Aşgabatda maýyplaryň durmuş-ykdysady integrasiýasynyň meseleleri ara alnyp maslahatlaşyldy
3-nji dekabrda bellenilýän Maýyplaryň halkaragününiň öňüsyrasynda Aşgabat şäherindeTürkmenistandaky maýyplaryň durmuş-ykdysady integrasiýasynyň meseleleri boýunça tegelek stol geçirildi.
Maslahata gatnaşyjylar maýyplaryň durmuş-ykdysady integrasiýasynyň kanuny esaslaryny, iş we hünär bilimini, lukmançylyk hyzmatlarynyň elýeterliligini, şeýle hem jemgyýetçilik birleşikleriniň hukuklaryny we bähbitlerini öňe sürmekdäki ornuny ara alyp maslahatlaşdylar.
Bellenilişi ýaly, Türkmenistanyň hökümeti tarapyndangoldaw berilmegi, şol sanda degişli kadalaşdyryjy hukuk namalarynyň kabul edilmegi we milli kanunçylyga üýtgetmeleriň girizilmegi maýyplaryň durmuş-ykdysady integrasiýasy boýunça wajyp wezipäni amala aşyrmagyň esasy şertidir.
BMGÖM-niň Türkmenistandaky maksatnamasynyňbölüminiň başlygy Röwşen Nurmuhamedow duşuşyga gatnaşyjylar bilen söhbetdeşlikde mümkinçiligi çäkli bolan adamlaryň hukuklaryny we integrasiýasyny ilerletmek - diňe bir adalat meselesi däl, eýsem olaryň geljegi üçin goýlan maýadygyny belledi. Şol nukdaýnazardan, saglygy goraýyş, bilim, iş üpjünçiligi, durmuş hyzmatlary we jemgyýetçilik işlerine gatnaşmakda olaryň deň elýeterliligini üpjün etmek ähli ýurtlar üçin esasy wezipe bolup durýar.
Bu çäre BMGÖM bilen Türkmenistanyň Körler we kerler jemgyýeti tarapyndan bilelikde durmuşa geçirilýän we «Günorta-Günorta» Global ösüş we hyzmatdaşlyk gaznasynyň ýardam etmeginde «Türkmenistanda maýyplar üçin elýeterli iş: bilimalmak we mynasyp işe ýerleşmek mümkinçigine eýe bolmak üçin jemgyýetçilik kärhanalaryny özgertmek»atly taslamasynyň çäginde gurnaldy. Bu taslama iş mümkinçiliklerini we girdejilerini ýokarlandyrmaga gönükdirilen açyk zähmet bazarynda maýyplary iş bilen üpjün etmegiň modelini göz öňünde tutýar.
ORIENT news
Surat BMGÖM-niňTürkmenistandaky bölümi tarapyndan berildi
