Türkmenistanyň wekiliýeti «CADAP» sebit gepleşiklerine gatnaşdy
Türkmenistanyň wekiliýeti döwlet edaralarynyňişgärleri bilen Almatydaky raýat jemgyýetiniň wekilleriniň arasyndaky Merkezi Aziýada neşe serişdeleriniň ýaýradylmagynyň öňüni alyş maksatnamasynyň (CADAP) sebitleýin gepleşiklerine gatnaşdy. Bu barada Ýewropa Birleşiginiň Türkmenistandaky wekiliýeti ORIENT portalyna habar berdi.
Bilim, saglygy goraýyş we derman senagaty ministrlikleriniň, Türkmenistanyň Magtymguly adyndaky Ýaşlar guramasynyň hünärmenleri, şeýle hem «Ýeňme» jemgyýetçilik guramasynyň işgärlerisebitdäki kärdeşleri bilen hyzmatdaşlygy pugtalandyrmak barada pikir alyşdylar we neşeserişdeleriniň ulanylmagynyň öňüni almak pudagynda tejribe alyşdylar, şeýle hem bu ugurda Ýewropa ýurtlarynyň toplan tejribesine garadylar.
Şeýle hem gatnaşyjylar neşe serişdeleriniň ulanylmagynyň öňüni almak we oňa gözegçilik etmek, döwlet edaralary bilen raýat jemgyýeti arasynda hyzmatdaşlygyň mehanizmlerini döretmekde raýat jemgyýetiniň ornuny güýçlendirmek tejribesine garadylar.
«CADAP» maksatnamasy — bu Ýewropa Birleşiginiň Merkezi Aziýada neşe serişdelerine bolan islegi azaltmak syýasatynyň ösdürilmegine itergi bermek başlangyjydyr. Häzirki wagtda Maksatnamanyň 7-nji tapgyry durmuşa geçirilýär.
Baglanyşykly okaň:
ORIENT news
Surat: instagram.com / @eucadap
