Türkmenistanyň Prezidenti Rumyniýanyň döwlet baştutanyny ýurduň Milli güni bilen gutlady
Türkmenistanyň Prezidenti Serdar Berdimuhamedow Rumyniýanyň başlygy Klaus Werner Iohannisi we bütin rumyn halkyny Rumyniýanyň Milli güni bilen gutlady. Bu barada TDH agentligi habar berýär.
Türkmen lideri ýurduň prezidentine jan saglyk, bagt we abadançylyk, rumyn halkyna - parahatçylyk, mundan beýläk-de gülläp ösüşi arzuw etdi.
Rumyniýanyň Milli güni 1918-nji ýyldan bäri her ýylyň 1-nji dekabrda bellenilip geçilýär. Hut şu gün Transilwaniýadan we Banatdan gelen rimlileriň wekilleri Rumyniýa Patyşalygy bilen birleşdiler. Bu taryhy waka häzirki Rumyniýanyň garaşsyz döwlet hökmünde kemala gelmeginde möhüm wakalaryň birine öwrüldi.
Däp bolşy ýaly, bu gün Rumyniýada harby ýöriş dabarasy geçirilýär, konsertler guralýar, şeýle hem görnükli syýasy işgärler ylham beriji çykyşlary geçirýärler.
Şu ýylyň iýul aýynda Türkmenistan bilen Rumyniýanyň arasyndaky diplomatik gatnaşyklaryň 30 ýyllygy bellenildi. Türkmenistanyň Bilim ministrligi talyplary alyşmak boýunça hyzmatdaşlygyň çäklerinden Rumyniýanyň uniwersitetlerinde okamak üçin dalaş edýänleri saýlap almak bilen, olary yzygiderli okuwa ugradýar.
ORIENT news
Surat: inosmi.ru
