Türkmenistan Migrasiýa baradaky halkara guramasynyň Geňeşiniň mejlisinde wekilçilik edýär
Türkmenistanyň Döwlet migrasiýa gullugynyň wekiliýeti, Şweýsariýanyň Ženewa şäherinde Migrasiýa baradaky halkara guramasynyň Geňeşiniň (MHG) 113-nji mejlisine gatnaşýar.
Duşuşykda çykyş eden türkmen tarapy ýurdumyzyň raýatsyzlygy ýok etmek we howanyň üýtgemegi sebäpli ýüze çykan migrasiýa çökgünligine garşy göreşmekde goşant goşmak ugrundaky tagallalaryna ünsi çekdi.
Ekologiýa şertleriniň ýaramazlaşmagy we howanyň üýtgemegi bilen baglanyşykly migrasiýa meselesi hemmetaraplaýyn we köpugurly çemeleşmäni talap edýär. Şonuň bilen baglylykda, türkmen wekiliýeti Türkmenistan bilen Migrasiýa baradaky halkara guramasynyň arasyndaky hyzmatdaşlygy güýçlendirmegiň möhümdigini nygtady.
MHG Geňeşiniň 113-nji mejlisi 2-nji dekabra çenli dowam eder. Duşuşygyň gün tertibi täze agzalaryň we synçylaryň kabul edilmegi, Guramanyň 2023-nji ýyl üçin býujeti we ş.m. meseleleriň gözden geçirilmegini öz içine alýar.
Şunuň bilen baglanyşykly okaň:
Howa sebäpli göçýän bosgunlar – olar kimler?
ORIENT news
Surat: migration.gov.tm
