Hytaýyň çaý medeniýeti ÝUNESKO-nyň maddy däl mirasynyň sanawyna girizildi
Hytaýyň çaý öndürmegiň we taýýarlamagyň däp bolan usullary ÝUNESKO-nyň maddy däl medeni mirasynyň sanawyna girizldi – diýip, China Daily habar berýär.
Bu haýyşnama şu günler Rabatda geçýän ÝUNESKO-nyň maddy däl medeni mirasyny goramak boýunça hökümetara komitetiniň 17-nji mejlisinde garaldy we tassyklandy. Munuň özi, çaý plantasiýalaryny dolandyrmak, çaý ýapraklaryny ýygnamak, el bilen gaýtadan işlemek, şeýle hem bilelikde çaý içmek we hödürlemek bilen baglanyşykly bilimleriň, başarnyklaryň we tejribeleriň dünýä jemgyýetçiligi tarapyndan ykrar edilmegini aňladýar.
Asyrlardan bäri Hytaýyň wekilleri çaý ekýärler, ýygýarlar, taýýarlaýarlar we içýärler. Olar bu önümiň alty görnüşini döretdiler: ýaşyl, sary, gyzyl, ak, ulun we gara. Hytaýda gül çaýlary ýaly gaýtadan işlenen çaýlar bilen bilelikde çaý önüminiň 2000-den gowrak görnüşi bar.
Bu içgi hytaý halkynyň gündelik durmuşyna mahsus bolup, çaý demlenen ýa-da gaýnadylan görnüşde maşgalalarda, işde, çaýhanalarda, jemgyýetçilik naharhanalarynda we ybadathanalarda hödürlenýär. Toý ýa-da dini däp-dessurlygyna garamazdan, şonsuz ýeke dabara hem geçilmeýär.
ORIENT news
Surat: China Daily
