Türkmenistanyň saglygy goraýyş işgärleri çaganyň irki ösüşi ugry boýunça dünýäniň iň gowy tejribesini özleşdirýärler
Türkmenistanyň Saglygy goraýyş we derman senagaty ministrligi, Birleşen Milletler Guramasynyň Çagalar gaznasy (UNISEF) we Ankara uniwersiteti türkmen hünärmenleri üçin çaganyň irki ösüşi boýunça okuwtapgyrlaryny geçirdiler.
Okuw bu ugurda Türkmenistanyň saglygy goraýyş işgärleriniň, ýagny maşgala lukmanlarynyň we şepagat uýalarynyň hünär derejesini kämilleşdirmek boýunça köp ýyllyk maksatnamanyň çäklerinde gurnaldy.
Bu maksatnama 2015-nji ýylda işe başlaly bäri 1400-den gowrak saglyk ulgamynyň hünärmeni çagalaryň ösüşine gözegçilik etmek okuwyny geçdiler we ýurdumyzyň her sebitinde tälim berlen işgärler bilen ýörite çaga irki ösüşiniň otagy döredildi.
Irki ösüş hyzmatlary çaganyň geljekde bilim maksatnamalaryny üstünlikli özleşdirmegine we sazlaşykly ösmegine päsgel berip biläýjek fiziki ýa-da akyl aýratynlyklarynyň irki döwürlerinde ýüze çykarmagy göz öňünde tutýar. Şol hyzmatlar çaga tebigy çäklendirmeleri ýeňip geçmäge ýardam etjek aýratyn aladany hem öz içine alýar.
ORIENT news
Surat ÝUNISEF-iň Türkmenistandaky wekilhanasy tarapyndan berildi
