Türkmenistanly talyplar «Spelling bee» bäsleşiginiň sebitleýin tapgyrynda ýeňiji boldular
Türkmenistanly talyplar iňlis sözlerini dilden harplar bilen takyk aýtmak boýunça Daşkent şäherinde geçirilen «Spelling bee» halkara bäsleşiginiň Merkezi Aziýa tapgyrynda ýeňiji boldular.
Bäsleşikde Myrat Garryýew adyndaky Türkmenistanyň döwlet lukmançylyk uniwersitetiniň 1-nji ýyl talyby Samir Babajanow birinji orna mynasyp boldy we Magtymguly adyndaky Türkmen döwlet uniwersitetiniň 3-nji ýyl talyby Perman Kyýasow ikinji orny eýeledi.
«Spelling bee» halkara bäsleşigi dünýäde iň meşhur dil bäsleşigidir. Ilkinji bolup ABŞ-da ýüze çykan bu bäsleşik takmynan 100 ýyl bäri dürli ýurtlarda geçirilýär.
Iňlis sözlerini harplar bilen takyk aýtmak boýunça bäsleşikler iňlis dilinde gürleýän ýurtlar üçin adatydyr, şeýle-de bolsa iňlis dilini öwrenmek üçin örän çylşyrymly «aňa laýyk gelmeýän» orfografiýa (dürs ýazuwyna) eýe bolup durýar — köp sözleriň ýazylyşy taryhy taýdan emele gelendigi sebäpli, aýdylyşyna asla laýyk gelmeýär. Şeýle ýaryşlaryň geçirilmegi mekdep okuwçylaryň arasynda sowatlylygy ýokarlandyrmaga, söz baýlygyny giňeltmäge kömek edýär diýip hasaplanýar.
ORIENT news
Surat: American councils
