Türkmenistanyň wekilleri Koreýa Respublikasynyň kompaniýalary bilen düýpli resminamalar toplumyna gol çekdiler
Türkmenistanyň parlamentiniň ýokarky palatasynyň Başlygy Gurbanguly Berdimuhamedowyň Koreýa Respublikasyna bolan resmi saparynyň çäklerinde ýurdumyzyň wekilleri bilen koreý kompaniýalarynyň arasynda resminamalara gol çekmek dabarasy geçirildi. Bu barada TDH agentligi habar berýär.
Türkmenistanyň Senagatçylar we telekeçiler birleşmesi (TSTB) we «Hyundai Engineering» Balkan welaýatynda ammiak we karbamid öndürýän zawodyň taslamasyny düzmek, ony enjamlar bilen üpjün etmek we gurmak baradaky resminama gol çekdiler.
«Türkmenawtoulaglary» gullugy we «Hyundai» korporasiýasy söwda-ykdysady, ylmy we tehniki hyzmatdaşlygy giňeltmek baradaky resminama gol çekdiler. Şeýle hem «Turkmenhimiya» Döwlet konserni we «Daewoo Engineering & Construction» kompaniýasy gizlinlik hakynda Ylalaşyga gol çekdiler.
Özara düşünişmek hakynda gol çekilen Ähtnamalar:
-TSTB we Koreýa halkara söwda assosiýasiýasy,
-Türkmenistanyň Döwlet serhet gullugy we Hyundai korporasiýasy,
-Türkmenistanyň Suw hojalygy baradaky döwlet komiteti we Hyundai korporasiýasy.
ORIENT news
Surat: hankyung.com
