China Daily: Aziýa oýunlarynyň sanly alaw göterijileriň ilkinji platformasy görkezildi
Hytaý Aziýa oýunlarynyň taryhynda ilkinji gezek 2023-nji ýylyň 23-nji sentýabryndan 8-nji oktýabry aralygynda Çžeçzýan welaýatynyň Hançžou şäherinde geçiriljek Aziýa 2022 oýunlary üçin interaktiw sanly alaw göteriji platformasyny hödürledi. Bu barada China Daily habar berýär.
Platformanyň kömegi bilen ähli isleg bildirenler 2022-nji ýyldaky Aziýa oýunlarynyň ody bilen wirtual görnüşinde alawy göterip biljek öz awatar-alaw göterijisini döredip biler. Şu wagta çenli «Alipay» ulgamy arkaly «Smart Hangzhou 2022» programmasyny ulanyp, iki ýüz müňden gowrak adam öz sanly şekilini döretdi.
19-njy Aziýa oýunlarynyň alawyny göterijileriň platformasynyň resmi tanyşdyrylyşy ýaryş başlamazdan 300 gün galandaky wagt hasaplanmagyna badalga bermek dabarasynda geçirildi.
Dabara gatnaşyjylara wideo ýüzlenmesinde Aziýanyň Olimpiýa Geňeşiniň baş direktory Hüseýn Al Musallam bu görnüşdäki ilkinji sanly platformanyň bütin dünýäde sport muşdaklaryny birleşdirmek üçin döredilendigini we munuň bolsa guramaçylaryň «akylly» Aziýa oýunlaryny geçirmek üçin edýän tagallalarynyň netijesidigini belledi.
Öz gezeginde Hangzhou Aziýa oýunlaryny guramak komitetiniň radio, telewideniýe we maglumat tehnologiýasy bölüminiň müdiriniň orunbasary Zhangan Ge, komitetiň sanly platformanyň interaktiw mümkinçiliklerini ýokarlandyrjakdygyny we sport muşdaklaryna özboluşly tejribäni berjekdigini nygtady.
ORIENT news
Surat: chinadaily.com
