Azerbaýjanyň prezidenti Türkmenistanyň wekiliýeti bilen hyzmatdaşlygyň ileri tutulýan ugurlaryny ara alyp maslahatlaşdy
Azerbaýjanyň prezidenti Ylham Alyýew sişenbe güni söwda toplumynyň meseleleri boýunça wise-premýer Batyr Atdaýewiň ýolbaşçylygyndaky Türkmenistanyň wekiliýetini kabul etdi. Bu barada respublikanyň baştutanynyň resmi web saýty habar berýär.
Türkmen wekiliýeti ykdysady we ynsanperwer ugurlardaky hyzmatdaşlyk boýunça Bilelikdäki türkmen-azerbaýjan hökümetara toparynyň mejlisine gatnaşmak üçin Baku şäherine geldi.
Azerbaýjanyň prezidenti bilen geçirilen duşuşykda iki ýurduň arasynda energiýa, ulag we logistika hyzmatdaşlygyny ösdürmek meseleleri ara alnyp maslahatlaşyldy. Şeýle hem söwda dolanyşygynyň ýokarlanýandygy bellendi we söwda hyzmatdaşlygyny has hem giňeltjek täze bilelikdäki taslamalary durmuşa geçirmegiň ähmiýeti nygtaldy.
Şeýle hem duşuşykda gämi gurluşygy, gämi abatlaýyş we beýleki pudaklarda özara hyzmatdaşlygy alyp barmak ýaly meselelere aýratyn orun berildi.
ORIENT news
Surat: president.az
