Türkmenistan, Azerbaýjan we Türkiýe energetika pudagyndaky hyzmatdaşlygy çuňlaşdyrarlar
Türkmenistan, Azerbaýjan we Türkiýe özara hyzmatdaşlygy ösdürmek maksady bilen 5 sany şertnama gol çekmegi meýilleşdirýärler. Bu barada Trend agentligi Türkmenistanyň we Türkiýäniň daşary işler ministrlikleriniň ýolbaşçylarynyň Ankarada geçirilen metbugat maslahatyndan soň habar berdi.
Türkiýäniň Daşary işler ministri bu ýurtlaryň energiýa pudagyndaky hyzmatdaşlygyny has-da ösdürmek üçin ýakyn wagtda bu ugurda işleýän üç döwletiň kompaniýalarynyň duşuşygynyň geçirilmegine garaşylýandygyny belledi.
Türkmenistanyň, Azerbaýjanyň we Türkiýäniň arasyndaky energiýa hyzmatdaşlygynyň uly geljegi bar: bütindünýä energiýa çökgünligi meselesinde Türkiýe, Ýewropanyň nebit-gaz merkezine öwrülmek isleýär, şunuň bilen baglylykda, Türkmenistan we Azerbaýjan dünýä bazaryna energiýa üpjünçiligini diwersifikasiýa etmekde ägirt uly uglewodorod kuwwatyna eýedir.
ORIENT news
Surat: phonoteka.org
