Türkmenistanda galp mahabatyň berlendigi üçin administratiw jerime bilen temmi berler
Türkmenistanyň administratiw hukuk bozulmalary kodeksine bilkastlaýyn galp mahabat barada 3121 maddasy goşuldy. Degişli üýtgetme hakyndaky kanun şu gün resmi türkmen metbugatynda çap edildi we 2023-nji ýylyň 1-nji ýanwaryndan güýje girýär.
Girizilen goşmaça laýyklykda harytlaryň, eserleriň ýa-da hyzmatlaryň, şeýle hem öndürijileriň, ýerine ýetirijileriň ýa-da satyjylaryň bilkastlaýyn ýalan mahabatyny şahsy bähbitler üçin ulanylandygy üçin administratiw jerime salynmagyna eltýär.
Jerimeleriň mukdary:
-fiziki şahslara - binýatlyk mukdarynyň 30-dan 50 essä çenli,
-wezipeli adamlara - binýatlyk mukdarynyň 40-dan 60 essä çenli,
-ýuridiki şahslara – binýatlyk mukdarynyň 50-den 75 essä çenli möçberde jerime.
Türkmenistanda habaryň çap edilen pursatynda jerime tölemegiň binýatlyk mukdary 100 manatdyr.
ORIENT news
Surat: redaksiýanyň arhiwinden
