A.S. Puşkin adyndaky döwlet rus drama teatry Nury Halmamedowyň ykbaly baradaky spektaklyň premýerasyny taýýarlaýar
12-nji dekabrda A.S. Puşkin adyndaky döwlet rus drama teatry Söbhet Serbazowyň we Mämmetgurban Mämmetgurbanowyň pýesasynyň esasynda režissýor Bilbil Mämmedow tarapyndan goýlan «Kalbyň tarlary» spektaklyny ilkinji gezek görkezer – diýip, ORIENT-e teatrda gürrüň berdiler.
Oýunda aýdym-saz eserleri türkmen halkynyň ýüreginde ebedi galan, görnükli türkmen kompozitory Nury Halmamedowyň ykbaly barada gürrüň berler. Şeýle hem tomaşaçylar tanymal türkmen kompozitorynyň ýakyn dostlary bolan türkmen halkynyň beýleki beýik şahsyýetleriň keşpleri bilen tanşarlar.
Oýnuň başlanýan wagty 19:00. Petegiň bahasy 10 manat.
Öň «Kalbyň tarlary» oýny «Türkmen teatr sungaty» festiwalynyň çäklerinde görkezilip, ol indi halk köpçüligine hödürlenýär.
Ozal habar berlişi ýaly, 4-nji dekabrda A.S. Puşkin adyndaky drama teatrynda «Bir ispan gijesi» komediýasynyň ilkinji görkezilişi hem meýilleşdirilýär.
ORIENT news
Surat: ru.wikipedia.org
