«Türkmengaz» döwlet konserni mawy ýangyjyň üznüksiz üpjünçiligi üçin infrastrukturany döwrebaplaşdyrýar

Noýabr 26, 2022 | 14:39 |4818

Çeşme: redaksiýanyň arhiwinden

«Türkmengaz» döwlet konserni, «Döwletabat» gaz käninden çykarylýan tebigy gazyň içerki sarp edijilere hem-de daşarky bazarlara bökdençsiz we ygtybarly iberilmegi üçin «Döwletabat-3» we «Döwletabat-2A» gaz gysyjy desgalarynda oturdylan gaz generatorlaryny düýpli abatlamagy meýilleşdirýär.

Bu Karara Türkmenistanyň Prezidenti Serdar Berdimuhamedow anna güni geçirilen Ministrler Kabinetiniň mejlisinde gol çekdi. Bu barada TDH agentligi habar berýär.

Döwlet Baştutany, Türkmenistanyň ykdysadyýetiniň geljegi uly pudaklaryndan biri bolan nebit-himiýa pudagyny mundan beýläk-de döwrebaplaşdyrmagyň we diwersifikasiýa etmegiň möhümdigini belledi.

ORIENT news
Surat: redaksiýanyň arhiwinden