Türkmenistanyň syýahatçylyk zolagynda ýörite wiza düzgünini girizmek meýilleşdirilýär
Türkmenistanda “Awaza” milli syýahatçylyk zolagynda halkara kadalaryna laýyklykda ýörite wiza düzgünini girizmek meselesi öwreniler.
Bu barada wise-premýer, Türkmenistanyň Daşary işler ministri Raşid Meredow, Türkmen parlamentiniň ýokarky palatasynyň Başlygy Gurbanguly Berdimuhamedowyň ýolbaşçylygynda geçirilen iş maslahatynda aýtdy – diýip, TDH agentligi habar berýär.
Ýörite wiza düzgüni syýahatçylyk zolagynyň ykdysady we maliýe mümkinçiliklerini artdyrar, şeýle hem migrasiýa we gümrük ugurlarynyň gurallaryny kämilleşdirer – diýip, wise-premýer nygtady.
Milli Geňeşiň Halk Maslahatynyň Başlygy syýahatçylyk zolagyna jahankeşdeleri çekmek üçin bu ýerde zerur bolan häzirki zaman düzümleriniň, şol sanda ösen ulag we logistika ulgamynyň döredilmegine üns berilmelidigini belledi.
ORIENT news
Surat redaksiýanyň arhiwinden
