Türkmenistan bilen Özbegistanyň arasyndaky söwda dolanyşygy 614 million amerikan dollaryndan geçdi
2022-nji ýylyň on aýynyň dowamynda Türkmenistan bilen Özbegistanyň arasyndaky söwda dolanyşygy 614,1 million amerikan dollaryndan geçdi. Bu barada Özbegistan Respublikasynyň Statistika baradaky döwlet komiteti tarapyndan çap edilen hasabatda habar berilýär.
Özbegistan 443,5 million amerikan dollaryndan gowrak türkmen önümini import etdi we 170,6 million amerikan dollaryna barabar önümi eksport etdi. Türkmenistan bilen Özbegistanyň arasyndaky daşary söwdanyň oňyn saldosynyň jemi 272,9 million amerikan dollary boldy.
Ýanwar-oktýabr aýlarynda iki ýurduň arasyndaky daşary söwda dolanyşygy geçen ýyl bilen deňeşdirilende 9,8% pese gaçdy. 2021-nji ýylyň dowamynda Özbegistan bilen Türkmenistanyň arasyndaky söwda dolanyşygy 881,9 million amerikan dollaryna barabar bolupdy.
Türkmenistan Özbegistanyň iň uly söwda hyzmatdaşlaryndan biridir. Şu ýyl Özbegistanyň iň köp möçberde söwda eden ýurdy Hytaýdyr.
ORIENT news
Surat: pinterest.com
