Gurbanguly Berdimuhamedow döwlet býujetini gözegçilikde saklamak we özleşdirmek boýunça alnyp barylýan işleri tankytlady
Türkmenistanyň Milli Geňeşiniň ýokarky palatasynyň Başlygy Gurbanguly Berdimuhamedow döwlet býujetiniň serişdeleriniň gelip gowuşmagyna edilýän gözegçiligiň, şeýle hem birnäçe ugurlar boýunça bölünip berlen serişdeleriň doly özleşdirilmeýändigini tankytlady.
Bu barada TDH agentligi Türkmenistanyň Milli Geňeşiniň ýokarky palatasynyň (Halk Maslahatynyň Milli geňeşiniň) mejlisiniň jemleri boýunça habar berýär.
Türkmenistanyň Milli Geňeşiniň ýokarky palatasynyň Başlygy býujet serişdeleriniň dürli ugurlara bölünilişine nägileligini bildirdi. Şeýle hem hasaplamalaryň nädogrydygyna ünsi çekip, Gurbanguly Berdimuhamedow käbir ugurlar boýunça serişdeleriň bölünmeginiň ýeterlik däldigini, beýleki pudaklarda bolsa serişdeleriň, tersine, ulanylmaýandygyny belledi.
Halk Maslahatynyň Milli Geňeşiniň Başlygy jogapkär işgärleriň haýal-ýaglygyna we biperwaýlygyna ünsi çekdi, şonuň netijesinde bolsa köp serişdeler indiki ýyla geçirilýär, bu bolsa edaralaryň we kärhanalaryň işine ýaramaz täsir edýär.
Mejlisiň barşynda Gurbanguly Berdimuhamedow öz bähbitlerini öňe sürýän işgärleri ýüze çykarmagyň we olara berk çäre görmegiň zerurdygyny mälim etdi we korrupsiýa bilen meşgullanýanlaryň «biziň aramyzda hiç haçan orun bolmaz» - diýip, belledi.
ORIENT news
Surat: turkmenistan.gov.tm
