CAREC Türkmenistanda suw sorujylar bilen üpjün edijileri gözleýär
Merkezi Aziýanyň Sebitleýin ekologiýa meseleleri merkezi suw sorujylaryny satyn almak boýunça bäsleşik yglan edýär. Bu barada gurama ORIENT portalyna habar berdi.
Bäsleşigiň çäklerinde CAREC üpjün edijileri saýlar we ýeňiji bilen dört sany suw sorujysyny aşakdaky aýratynlyklar esasynda satyn almak boýunça şertnama baglaşar: 400/3 3.0kW elektrik togy bilen üpjün etmek, 2900 aýlaw, Hm (beýiklik) - 17 metr, Q - 250 l / min, Qmax - 833 l / min .
Enjamlar 2022-nji ýylyň 1-nji dekabryndan öň Daşoguz welaýatynyň Gurbansoltan eje adyndaky etrabynyň Şabat kanalyna eltilmeli.
Bahalar boýunça teklipleri 2022-nji ýylyň 26-njy noýabryndan gijä galman, Aşgabat şäheriniň wagtynda 13:00-dan öň oharchenko@carececo.org e-poçta salgysyna ýa-da çaparçylyk poçtasy bilen Aşgabat ş. Atamyrat Nyýazow şaýolunyň 142-nji jaýyna iberip bilersiňiz.
Goşmaça soraglar üçin telefon belgileri: +993 12 224347, +993 65 810713. Şeýle hem salgylanma şertleri barada hem has giňişleýin okap bilersiňiz.
ORIENT news
Surat: livingasia.online
