Türkmenistanda ýaşlaryň iş bilen üpjün edilmegini goldamak üçin merkezler açyldy
Ýaşlaryň iş bilen üpjün edilme hukuklaryny we mümkinçiliklerini goldamagy güýçlendirmek maksady bilen, Türkmenistanda okuw we maglumat merkezleri işläp başladylar. Bu barada Birleşen Milletler Guramasynyň Ösüş Maksatnamasynyň (BMGÖM) Türkmenistandaky wekilhanasynyň metbugat gullugy habar berýär.
Merkezler Türkmenistanyň ilatynyň zähmet we durmuş taýdan goramak ministrligi we Birleşen Milletler Guramasynyň Ösüş Maksatnamasy tarapyndan alty sany synag şäherlerinde - Aşgabatda, Daşoguzda, Maryda, Tejende, Türkmenabatda we Türkmenbaşyda döredildi. Olaryň işleri Ýewropa Birleşigi tarapyndan maliýeleşdirilýän STRIVE Aziýa taslamasynyň çäklerinde amala aşyrylýar.
Merkezler ýaşlaryň psihologiki-hukuk goldawy boýunça okuwlary geçirmek üçin platforma öwrüler we bu bolsa, ýaşlaryň iş orunlary bilen üpjün edilmegine we sosial goldaw boýunça halkara hyzmatdaşlygyň güýçlendirilmegine uly goşant goşar.
Şeýle hem bu merkezler jemgyýetiň täze tehnologiki mümkinçilikleri öwrenmäge we başarnyklaryny we iş başarnyklaryny ösdürmek üçin serişdeleri ulanmaga mümkinçilik döretmek maksady bilen, «Açyk gapylar sagatlaryny» gurnamagy meýilleşdirýärler.
ORIENT news
Surat BMGÖM-nyň Türkmenistandaky bölümi tarapyndan berildi
