Türkmenistan GDA-da senagat howpsuzlygy pudagyndaky hyzmatdaşlygy ara alyp maslahatlaşdy
Türkmenistanyň GDA-daky hemişelik doly ygtyýarly wekili Nazarguly Şagulyýew Minskde geçirilen Arkalaşygyň kanuny we beýleki guramalaryna degişli Arkalaşygyň agza döwletleriniň hemişelik wekilleriniň geňeşiniň nobatdaky maslahatyna gatnaşdy. Bu barada GDA-nyň Ýerine ýetiriji komitetiniň saýty habar berýär.
Duşuşygyň gün tertibindäki meseleleriň biri – Arkalaşygyň senagat howpsuzlygy pudagyndaky hyzmatdaşlygydyr. Şeýlelik bilen, gatnaşyjylar Senagat howpsuzlygy boýunça Döwletara Geňeşiniň bu ugurda ylalaşylan hereketleri we çärelerini üpjün etmäge gönükdirilen işler barada maglumat aldylar.
Geňeşiň işi bilelikdäki ylmy-gözleg işleriniň netijelerini, maglumat we usulyýet materiallaryny, şeýle hem senagat howpsuzlygyny üpjün etmekde amaly tejribäni ulanmaga mümkinçilik berýär.
Şunuň bilen baglylykda, Arkalaşygyň sebitiniň daşyndaky ýurtlarda senagat howpsuzlygy meselelerini düzgünleşdirýän ýöriteleşdirilen düzümler bilen hyzmatdaşlyk etmek we tejribe alyşmak üçin Senagat howpsuzlygy boýunça Döwletara Geňeşiniň, hususan-da, Birleşen Milletler Guramasynyň Ýewropa Ykdysady Komissiýasy, ýagny senagat hadysalarynyň serhetara täsiri baradaky konwensiýanyň sekretariaty bilen özara gatnaşyklary saklamak açykdygy bellendi.
Şeýle hem doly ygtyýarly wekiller GDA-nyň hökümet Baştutanlarynyň Geňeşiniň 28-nji oktýabrda Astanada geçirilen mejlisinden soň kabul edilen resminamalar bilen hem tanyşdylar.
ORIENT news
Surat: e-cis.info
