Türkmenistan bilen BAE-niň arasyndaky söwda dolanyşygy bir ýyla golaý wagtyň içinde takmynan üç esse ýokarlandy
2022-nji ýylyň ýanwar-sentýabr aýlarynda Türkmenistan bilen BAE-niň arasyndaky çig mal däl söwda dolanyşygynyň umumy möçberi takmynan üç esse ýokarlandy - geçen ýylyň degişli döwri bilen deňeşdirilende 296% artyp, 653 million amerikan dollaryna barabar boldy.
Bu barada BAE-niň Daşary söwda boýunça döwlet ministri Tani Bin Ahmed Al Zeýudi Abu Dabide geçirilen türkmen-emirlikler işewürlik forumynyň jemleri boýunça özüniň Twitter hasabynda ýazýar
Söwda dolanyşygyndaky ösüş gaýtadan dikeldilýän energiýa pudagyndaky hyzmatdaşlyk, şeýle hem awtoulaglaryň ätiýaçlyk şaýlary, ýaýlym enjamlary we ösümlik ýaglary bilen üpjün etmek arkaly gazanyldy.
Şeýle hem Al Zeýdi, işewürik forumynyň taraplaryň hususy ulgamdaky hyzmatdaşlygy güýçlendirmek, hyzmatdaşlygyň ugurlaryny giňeltmek, söwda we maýa goýum akymlaryny ýokarlandyrmak üçin täze mümkinçilikleri öwrenmek we ileri tutulýan pudaklarda bilelikdäki taslamalary durmuşa geçirmek baradaky umumy hyjuwyny görkezýändigini hem aýratyn belläp geçdi.
ORIENT news
Surat: Twitter.com / @ThaniAlZeyoudi
