Serdar Berdimuhamedow Kasym-Žomart Tokaýewi prezident saýlawlarynda ýeňiş gazanmagy bilen gutlady
Türkmenistanyň Prezidenti türkmen halkynyň adyndan, Türkmenistanyň hökümetiniň we hut öz adyndan Gazagystanyň Prezidenti Kasym-Žomart Tokaýewi saýlawlarda ýeňiş gazanmagy we Gazagystan Respublikasynyň prezidentligine täzeden saýlanmagy bilen tüýs ýürekden gutlady. Bu barada TDH agentligi habar berýär.
Türkmen lideri: «Siziň baştutanlygyňyzda Gazagystan Respublikasynyň geljekde-de uly üstünlikleri gazanjakdygyna, halkara giňişlikde öz abraýyny ýokarlandyrmagyny dowam etdirjekdigine ynanýaryn»- diýip, özüniň gutlag hatynda beýan edýär.
Mümkinçilikden peýdalanyp, Türkmenistanyň Prezidenti Kasym-Žomart Tokaýewe berk jan saglyk, bagt we jogapkärçilikli döwlet işlerinde üstünlikleri, gazak halkyna bolsa parahatçylyk, gülläp ösüş we abadançylyk arzuw etdi.
ORIENT news
Surat: ru.sputnik.kz
