Türkmenistanyň Milli Geňeşiniň ýokarky palatasy birnäçe kanunlary makullady
TDH habar gullugynyň habar bermegine görä, türkmen parlamentiniň ýokarky palatasy birinji çagyrylyşynyň sekizinji mejlisinde ara alyp maslahatlaşmak üçin hödürlenen kanunlar birnäçesini biragyzdan makullady.
Halk Maslahatynyň agzalary parlamentiň aşaky palatasy — Mejlis tarapyndan kabul edilen kanunlara, şol sanda Türkmenistanyň aşakdaky kanunlary üçin ses berdiler:
-Notariat we notarial işi hakynda,
-Sirk we sirk sungaty hakynda,
-Ýerli öz-özüňi dolandyryş hakynda,
-ýükleriň ýol arkaly halkara daşalmagy babatda şertnama hakyndaky Konwensiýa Elektron haryt-ulag hatyna degişli Goşmaça Teswirnama goşulmak hakynda,
-Ýewropa sebitinde ýokary bilim boýunça hünär derejelerini ykrar etmek hakyndaky Konwensiýa goşulmak hakynda.
Duşuşykda “Türkmenistanyň käbir kanunçylyk namalaryna üýtgetmeler we goşmaçalar girizmek hakynda”, “Harby borçlulyk we harby gulluk hakynda” Türkmenistanyň Kanunyna goşmaça girizmek hakynda”, “Goranmak hakynda” Türkmenistanyň Kanunyna üýtgetmeler we goşmaçalar girizmek hakynda”, “Salgytlar hakynda” Türkmenistanyň Bitewi kanunyna üýtgetmeler we goşmaça girizmek hakynda”, “Türkmenistanyň käbir kanunçylyk namalaryna üýtgetmeler we goşmaça girizmek hakynda” we şol sanda hereket edýän kanunçylygy gowulandyrmak baradaky resminamalara garaldy.
Kanunlar biragyzdan goldanyldy we degişli Kararlar bilen berkidildi.
ORIENT news
Surat: gozle.com.tm
