Türkmenistan we BAE ikitaraplaýyn resminamalaryň toplumyna gol çekdiler
Türkmenistanyň Prezidenti Serdar Berdimuhamedowyň Birleşen Arap Emirliklerine amala aşyryan resmi saparynyň çäklerinde iki ýurduň arasynda ikitaraplaýyn resminamalaryň toplumyna gol çekildi. Bu barada TDH agentligi habar berýär.
Täze şertnamalar Türkmenistan bilen BAE-niň arasyndaky ykdysadyýet, maýa goýum, oba hojalygy, bilim, şeýle hem daşary işler ministrlikleriniňarasyndaky hyzmatdaşlygyň pugtalandyrylmagyna gönükdirilendir.
Türkmen lideri Serdar Berdimuhamedowyň Birleşen Arap Emirlikleriniň Prezidenti Şeýh Muhammet bin Zaýed Al Nahýan bilen giňeldilen düzümde geçirilen gepleşiklerinde türkmen-arap hyzmatdaşlygynyň ileri tutulýan ugurlary kesgitlenildi.
Şunda taraplaryň özara bähbitli söwda-ykdysady gatnaşyklary ösdürmegi, şeýle hem iki ýurduň we olaryň halklarynyň arasyndaky däp bolan dostlukly, ynanyşykly gatnaşyklary pugtalandyrmaga ýardam berýän medeni-ynsanperwer gatnaşyklary işjeňleşdirmegi maksat edinýändikleri tassyklanyldy.
Ikiçäk geçirilen duşuşygyň çäginde döwlet baştutanlary sebitleýin we halkara gün tertibindäki birnäçe möhüm meseleler boýunça pikir alyşdylar, şeýle hem saparyň dowamynda baglaşylanşertnamalaryň durmuşa geçirilişini ara alyp maslahatlaşdylar.
ORIENT news
Surat: unsplash.com
