Türkiýe Türkmenistanyň tebigy gazyny Ýewropa geçirmäge taýýardyr – Türkiýäniň Mejlisiniň başlygy
Türkiýäniň Mejlisiniň başlygy Mustafa Sentop, Türkiýe Respublikasynyň Türkmenistanyň tebigy gazyny Ýewropa geçirmäge taýýardygyny tassyklady. Bu barada TDH agentligi Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow bilen türkiýeli kärdeşiniň arasyndaky gepleşiklerden soň habar berdi.
Mustafa Şentop Türkmenistanyň Milli Geňeşiniň Halk Maslahatynyň Başlygy bilen söhbetdeşlikde söwda we ykdysady ugurda iki ýurduň arasyndaky üstünlikli hyzmatdaşlyga ünsi çekdi, şol bir wagtyň özünde ozalky gazanylan şertnamalaryň ähmiýeti barada belläp geçdi.
Şu ýylyň iýul aýynda Türkiýäniň wise-prezidenti Fuat Oktaýyň Türkmenistana bolan iş sapary hem ikitaraplaýyn bähbitli ykdysady hyzmatdaşlygyň oňyn dinamikasynda aýratyn orna mynasyp boldy.
ORIENT news
Surat: verelq.am
