Ýaşlara mümkinçilikleriň deň derejede elýeterli bolmagy Merkezi Aziýanyň kuwwatyny ýüze çykarar
Ýewropa Birleşigi ÝUNISEF hem Ýewropa okuw gaznasyndan bolan hyzmatdaşlary bilen bilelikde gurnalan 5 Merkezi Aziýa ýurtlarynyň Ýaşlar baradakygepleşikleriň çäklerinde ýaşlara mümkinçilikleriň deň derejede elýeterli bolmagy, Merkezi Aziýanyňkuwwatynyň has hem ýokarlanmagyna esas bolar diýlip, bellenildi.
Bu barada maslahatyň esasy meseleleri ara alnyp maslahatlaşylandan soňra Ýewropa Birleşiginiň Özbegistandaky wekiliýetiniň resmi web saýty habar berdi.
Maslahatyň dowamynda ÝUNISEF-iň Ýewropa we Merkezi Aziýa boýunça sebitleýin direktory Afşan Han: «Ýaşlaryň günüň meselelerine pugta pikirleri we çözgütleri bar. Bu bolsa olaryň geljegiň ýolbaşçylary däl-de, eýsem häzirki döwrüň ýolbaşçylarydygyny aýdyň görkezýär. Bu pikirleriň bu maslahatda kabul edilen kararlaryň bir bölegi bolmagy möhümdir» — diýip, nygtady.
Duşuşyga gatnaşyjylar Türkmenistanyň, Gazagystanyň, Özbegistanyň, Gyrgyzystanyň we Täjigistanyň ýaşlarynyň arasynda bilim we medeni gatnaşyklardaky hyzmatdaşlygyň möhümdigini bellediler.
ORIENT news
Surat: eeas.europa.eu
