Türkmenistan we ÝB neşe serişdeleriniň ýaýramagynyň öňüni almakdaky hyzmatdaşlyga gyzyklanma bildirýärler
Türkmenistan bilen Ýewropa Birleşigi Merkezi Aziýanyň neşe serişdeleriniň öňüni alyş maksatnamasynyň (CADAP-7) çäginde hyzmatdaşlygy güýçlendirmäge özara gyzyklanma bildirýärler.
CADAP-yň direktory Ernest Robello we Merkezi Aziýa boýunça Ýewropa Birleşiginiň (ÝB) sebitleýin maksatnamasynyň dolandyryjysy Kosimo Lamberti Türkmenistana bolan iş sapary wagtynda ýurduň bu maksatnama mundan beýläkki işjeň gatnaşygyny ara alyp maslahatlaşmak barada ORIENT-iň habarçysy bilen geçirilen söhbetdeşliginde mälim etdi.
Maksatnamanyň direktory Ernest Robello: «CADAP-yň artykmaçlygy ÝB bu başlangyç arkaly Merkezi Aziýada işleýän ýa-da işläp bilýän hünärmenlere ýokary derejede iň gowy bilimi berer» — diýip, belledi. — Bu ÝB-ne agza ýurtlaryň Türkmenistan we sebitdäki döwletler bilen bilim we tejribe alyşmaga bolan isleglerini aýdyň görkezýär. Hususan-da, Ispaniýa, Niderlandlar, Polşa, Çehiýa, Litwa we Portugaliýa ýaly döwletler uly gyzyklanma bildirýärler».
Şeýle hem Türkmenistan COVID-19 bilen baglanyşykly töwekgelçiliklere, Owganystandaky durnuksyzlyga we global neşe gaçakçylygyndaky üýtgeşmelere sezewar bolmasa-da, CADAP-nyň çäginde ÝB bilen işjeň hyzmatdaşlyga taýýardyr. Muny Ýewropa maksatnamalarynyň ýolbaşçylarynyň Türkmenistanyň Içeri işler, Saglygy goraýyş we derman senagaty ministrlikleriniň wekilleri bilen geçirilen duşuşyklary munuň aýdyň subutnamasydyr.
Ýewropa Birleşiginiň Merkezi Aziýa boýunça Sebitleýin Maksatnamasynyň Dolandyryjysy Cosimo Lamberti: «Häzirki wagtda bütin dünýäde bolup geçýän wakalaryň Türkmenistana ýetirýän täsiri bolmazdan, bu ýurduň neşe söwdasy bilen baglanyşykly meseleleriň öňüni almak üçin sebitleýin hyzmatdaşlygy ösdürmäge uly gyzyklanma bildirýändigi bizi örän begendirdi» — diýip, belledi.
Häzirki wagtda Türkmenistan bilen CADAP-yň arasyndaky hyzmatdaşlygyň çäklerinde neşe serişdeleriniň täze görnüşleri bilen baglanyşykly häzirki howplary öwrenmek meselesi olaryň ýurda getirilmeginiň öňüni almak üçin işlenip düzülýär. Mundan beýläkki hyzmatdaşlygyň geljegi uly bolan işleriň arasynda täze kanunlary işläp düzmek we türkmen hünärmenlerini neşe serişdeleriniň ýaýramagyna garşy göreşmekde Ýewropanyň iň oňat tejribeleriniň esasynda taýýarlamak örän uly orun eýeleýär.
ORIENT news
Surat: review.uz
