HYYweÖU-da Bütindünýä filosofiýa güni bellenildi
17-nji noýabrda Halkara ynsanperwer ylymlary we ösüş uniwersitetinde Bütindünýä filosofiýa güni bellenildi, onuň baýram edilmegi bu ýaş, ýöne, eýýäm özüni tanadan ýokary okuw mekdebinde Filosofiýa klubynyň açylmagy bilen gabat geldi. 2022-nji ýylyň netijeleri boýunça HYYweÖU türkmen ýokary okuw mekdepleriniň içinde ilkinji bolup, ýokary okuw mekdepleriň arasynda huhuk öwreniş boýunça abraýly halkara reýtinginiň – Nika Law School Ranking ilkinji 100-liginiň sanawyna girdi.
Dabaraly çäräni guraýjylar beýik türkmen şahyry we akyldary Magtymguly Pyragynyň ady bilen baglanyşykly ugurlara aýratyn üns berdiler. Ozal ORIENT-iň habar berşi ýaly, TÜRKSOÝ-yň medeniýet ministrleriniň hemişelik geňeşiniň 39-njy mejlisiniň çözgüdine laýyklykda, türki ýurtlarda 2024-nji ýyl Magtymguly Pyraga bagyşlanar.
Baýramçylygyň çäklerinde uniwersitetiň eýwanynda talyplar degişli mazmundaky sergileriň altysyny guradylar, şolar filosofiýa, etika, epistemologiýa, metafizika, logika we psihologiýa ýaly bölümleri öz içine aldy. Talyplar goşa baýarmy şadyýan hem-de aň-düşünjelerini beýan etmek bilen belläp, türkmen we iňlis dillerinde, şol sanda döredijiligi dünýä şygryýetiniň altyn gaznasyna giren Magtymgulynyň goşgularyna aýdymlary ýerine ýetirdiler.
Halkara ýokary okuw mekdebinde Bütindünýä filosofiýa güni ýaly tematiki çäreleriň geçirilmegi ýaşlara dünýäde bolup geçýän durmuşy-medeni özgertmeleri ara alyp maslahatlaşmaga umumy mümkinçiligi tapmaga kömek edýär. Özi-de HYYweÖU-nyň talyplarynyň şeýle çekişmeleri geçirmek üçin indi ýörite ýeri – Filosofiýa kluby bar.
ORIENT news
