TOPH gaz geçirijisi Pakistana her günde 35 million kub metrden gowrak tebigy gazy iberer
TOPH gaz geçirijisini (Türkmenistan-Owganystan-Pakistan-Hindistan) gurmagyň meýilnamasy eýýäm işlenip düzüldi we ony 3-4 ýylyň dowamynda durmuşa geçirmek meýilleşdirilýär we bu bolsa şahamçanyň üsti bilen Pakistana her günde 35 million kub metrden gowrak tebigy gaz ibermäge mümkinçilik berer.
Bu barada Pakistanyň nebit ministri Musadik Mälik «Pakistanyň Pikir liderleriniň energiýa bolan garaýşy» baradaky forumynyň jemleri boýunça beýanatyndan soň mälim edendigi barada “The Nation” habar gullugy habar berýär.
Ministr Türkmenistandan tebigy gazyny import etmekde hiç hili päsgelçiligiň ýokdugyny, şeýle hem häzirki wagtda Pakistanda energiýa bolan isleg bilen teklibiň arasynyň juda uludygyny we ýerli gaz gorlarynyň çalt azalýandygyny belledi.
Şeýle hem forumyň çäklerinde Pakistana nebitiň importyny diwersifikasiýa etmegiň zerurlygy we ýurtda energiýa göterijileriniň bahalarynyň aşa ýokarydygy baradaky meseleler boýunça pikir alşyldy.
ORIENT news
Surat:bigasia.ru
