Türkmenistanyň Döwlet daşary ykdysady iş banky telekeçiler üçin täze hyzmatlaryň tanyşdyryşyny geçirdi
Türkmenistanyň Döwlet daşary ykdysady iş banky telekeçileriň iş amallaryny dolandyrmagyny ýeňilleşdirmek we olaryň mümkinçiliklerini giňeltmek maksady bilen işlenip taýýarlanan täze hyzmatlaryň tanyşdyrylyşyny geçirdi.
Täzeçillikeriň arasynda — ýuridiki şahslara bank işiniň internet arkaly amala aşyrylyş işlerine mümkinçilik berýän goşmaçalar bar:
– tölegleri geçirmek,
– pul serişdeleriniň hereket edişini barlamak,
– işgärlere aýlyk tölemek,
– belli bir döwür üçin hasaplar boýunça elektron hasabaty almak,
– täze hasap açmak üçin ýüz tutmak.
Internet bank işiniň maglumat howpsuzlygynyň ýokary derejesi iki faktorly tassyklanma we tölegler geçirilende, şeýle-de ulgama girilende kepillendirilen ygtybarly aragatnaşyk kanallarynyň ulanylmagy bilen üpjün edilýär.
Gaýtalanýan amallar üçin nusgalyk ülňüleriň döredilmegi, mysal üçin, uzak möhletli karz üçin töleg işleri ýerine ýetirilende işi has-da ýeňilleşdirer.
Duşuşykda telekeçiler internet bank işiniň täze funksiýalary bilen baglanyşykly anyklaýjy soraglary we isleg bildirilýän hyzmatlary durmuşa geçirmek boýunça teklipleri berdiler. Şeýle hem gatnaşyjylara bank bilen hyzmatdaşlygy barada öz täsirlerini paýlaşyp, maslahatlaryny berip biljek sowalnamalar berildi.
Daşary ykdysady iş bankynyň müşderiler tarapyndan edilen belliklere şeýle seslenmeleriň bolmagy we dessin jogap berilmegi ony Türkmenistanyň iň öňdebaryjy karz edarasyna öwürýär, bu bolsa bankyň birnäçe baýraklara mynasyp bolanlygy bilen tassyklanýar. Olaryň arasynda Britaniýanyň “the Banker” atly maliýe žurnalynyň baýraklaryony ýurduň iň gowy banky hökmünde görkezýär.
Şeýle hem duşuşygyň çäklerinde işewürleriň dykgatyna ýeňillikli karz bermek mümkinçilikleri ýetirildi. Mysal üçin, Daşary ykdysady iş banky telekeçileriň täze maýa goýum taslamalarynyň bahasynyň 85 göterimini 10 ýyla çenli ýyllyk 5-7 göterim karzy bilen maliýeleşdirip bilýär.
Oba hojalygy pudagynda işleýänler üçin ýeňillikli karzlar hem bar. Agrar ulgamda işewürlik bilen meşgullanýan telekeçiler oba hojalyk tehnikalaryny, suw tygşytlaýjy suwaryş ulgamlaryny we beýleki enjamlary satyn almak üçin ýylda 1% göterim bilen 10 ýyla çenli karz alyp bilýärler.
Geçirilen bu duşuşyk telekeçilere öz soraglaryna jogap almaga we işlerini ýeňilleşdirmäge we umuman işewür hyzmatdaşlar bilen, hususan-da, Türkmenistanyň Daşary ykdysady iş banky bilen täsirli gatnaşygy ýola goýmaga ýardam berjek köp maglumatlary öwrenmäge mümkinçilik berdi.
ORIENT news
Surat redaksiýanyňky
