Germaniýanyň ilçihanasy Şengen wizasy üçin raýatlaryň kabul edilişiniň elektron ýazgysyna başlaýar
Germaniýanyň Türkmenistandaky ilçihanasynyň konsullyk bölüminde Şengen wizasyny almak üçin raýatlara ýüz tutmaga deslapky elektron hasaba alyş açylýar diýip, Germaniýanyň Aşgabatdaky diplomatik wekilhanasynyň saýty habar berýär.
Wiza üçin arza syýahada başlamazdan 3 aý öňünden berilmelidir. Türkmenistanyň raýatlary meýilleşdirilen sapardan 15 günden gijä galman Şengen wizasy üçin ýüz tutmalydyr.
Wiza almak üçin adaty işlemegiň wagty 15 gün. Käbir ýagdaýlarda has uzaga çekip biler. Germaniýanyň ilçihanasy belli bir wagtda wiza berilmegini kepillendirmeýändigini habar berýär. Şeýle hem, wiza bermek gijikdirilen ýa-da ret edilen halatynda konsullyk bölümi maliýe jogapkärçiligini öz üstüne almaýar.
Wiza tölegi 80 ýewro we nagt görnüşinde diňe ABŞ dollarynda tölenýär (ýüz tutan günüňizdäki hümmetine görä. Tölegi anyk mukdarda tölemeli (gaýtargysyz). Zeper ýeten banknotlar kabul edilmeýär diýip, ilçihananyň habarlarynda aýdylýar.
GFR-niň ilçihanasy duşuşyga girmezden ozal wiza tabşyrmagyň tertibi we zerur resminamalaryň sanawy bilen tanyşmagyňyzy maslahat berýär.
Telefon boýunça maslahatlar duşenbe-penşenbe günleri sagat 14:00-dan 15:00-a çenli: +99362824304 we +99362824308 belgilerinde geçirilýär.
ORIENT news
