Türkmenistanyň Döwlet haryt we çig mal biržasynda söwdalaşyklar: Türkiýe we Owganystan suwuklandyrylan gazy satyn aldylar
ORIENT-iň habarçysynyň habar bermegine görä, sişenbe güni 15-nji noýabrda, Türkmenistanyň Döwlet haryt we çig mal biržasynda umumy bahasy 2 million amerikan dollaryna barabar bolan 8 sany geleşik baglaşyldy.
Türkiýeden we Owganystandan gelen telekeçiler bir tonnasy 460.50 amerikan dollary bolan 4550 tonna suwuklandyrylan gazy satyn aldylar.
Söwdalaşmalara çykarylýan harytlar baradaky maglumatlar bilen şu salgy boýunça Türkmenistanyň Döwlet haryt-çig mal biržasynyň saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalaşmalar duşenbe-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, tmex.gov.tm saýtyndaky funksional platformanyň üsti bilen öndürijiler bilen gönümel habarlaşyp, birža harytlarynyň söwdasy boýunça teklipler bilen tanşyp bolar. Şeýle-de birža harytlaryny ýerlemek baradaky bildirişleri çap etmek mümkinçiligi hem elýeterlidir.
ORIENT news
Surat: redaksiýanyň arhiwinden
