Erdogan Türkmenistanyň we Azerbaýjanyň liderleri bilen "gaz merkezi" taslamasyny ara alyp maslahatlaşmagy göz öňünde tutýar
– Türkiýäniň Prezidenti Rejep Taýyp Erdogan dekabr aýynyň başynda Azerbaýjanyň we Türkmenistanyň ýolbaşçylary bilen Russiýa tarapyndan teklip edilýän "gaz merkeziniň" taslamasyny ara alyp maslahatlaşmak isleýändigini aýtdy – diýip “РИА Новости” habar berýär.
Russiýanyň we Türkiýäniň Prezidentleri Wladimir Putin we Rejep Taýyp Erdogan ozal Türkiýede gaz merkezini döretmek meselesini jikme-jik we çalt öwrenmegi tabşyrdylar, onuň üsti bilen gaz Russiýa “Demirgazyk akymyndan” Gara deňze we Türkiýä geçip biler. Şeýle hem, Erdogan Ýewropa rus gazyny Türkiýäniň üsti bilen alyp biler diýip, hasaplaýar.
G20 sammitine gatnaşmak üçin Indoneziýa ugramazynyň öňýaýynda, Stambulda Erdogan: “Geljek aýyň başynda Türkmenistana amala aşyrjak saparymda bu meseläni (gaz merkezi taslamasy) Azerbaýjanyň we Türkmenistanyň ýolbaşçylary bilen ara alyp maslahatlaşmak niýetim bar. Gowy netijelere umyt edýärin " - diýdi.
Ondan öň Erdogan respublikada halkara gaz merkezini döretmek meýilnamasyny tassyklady.
Putin “Demirgazyk akym” ulgamynyň turbageçirijilerindäki bidüzgünçiliklerden soň, Türkiýede gaz merkezini gurnamagy teklip etdi. Taslama häzirki wagtda ara alnyp maslahatlaşylýar.
ORIENT news
Foto: tccb.gov.tr
