Balkanabatly çagalar gurjak teatrynyň artistleri bilen bilelikde halaýan keşplerini ýerine ýetirdiler
Türkmen döwlet gurjak teatry Balkanabadyň ýaş tomaşaçylaryna halaýan ertekileriniň gahrymanlarynyň keşplerini ýerine ýetirip görmäge mümkinçilik berdi. Aktýorlar çagalary diňe bir oýunlara tomaşa etmäge däl, eýsem halaýan gahrymanlarynyň keşplerinde çykyş etmäge çagyrdy.
Oýnuň dowamynda «Şalgam» ertekisiniň sahnalaşdyrylmagy ussat artistler bilen çagalaryň arasyndaky araçägi göni manyda aradan aýyrdy. Birnäçe minutdan soň aktýorlar bilen örtügiňaňrysynda sahnada çagalar däl-de, rus halk ertekileriniň gahrymanlary peýda boldular.
Gurjak teatrynyň döredijilik topary Balkanabatdaky çagalar baglaryna we mekdeplere «Şalgam» we «Şowhunly gurjaklar» atly çykyşlary bilen baryp gördüler. Bu ýere gelen tomaşaçylar hoşallyklaryny we indiki saparlaryna sabyrsyzlyk bilen garaşjakdyklaryny bildirdiler.
ORIENT news
Surat: Google Maps
