TDHÇMB-daky söwdalaşyklar: 13 müň tonnadan gowrak nebit önümleri eksport edildi
Penşenbe güni 10-njy noýabrda Türkmenistanyň Döwlet haryt we çig mal biržasynyň söwdalaşyklarynda jemi bahasy 10,2 million amerikan dollary bolan 9 geleşik baglaşyldy. Bu barada ORIENT-iň habarçysy habar berýär.
Türkiýeden gelen telekeçiler Türkmenbaşydaky nebiti gaýtadan işleýän zawodlar toplumynda öndürilen jemi 5 müň tonna nebit koksyny satyn aldylar. Geleşikleriň umumy mukdary 3,4 million amerikan dollaryna deňboldy, şeýle hem başga bir türkiýeli wekil bahasy 2 million amerikan dollaryndan gowrak bolan 2000 tonna gyzdyrylan nebit koksyny satyn aldy.
Owganystandan we Türkiýeden gelen telekeçiler bahasy 1,5 million amerikan dollary bolan 2 tonna SN-350 kysymly başlangyç ýagyny satyn almak barada şertnama baglaşdy. BAE-niň wekili we Türkiýedengelen telekeçi bahasy 1,5 million amerikan dollary bolan 2 müň tonna SN-180 kysymly başlangyç ýagyny satyn aldy.
Ýene-de 2000 tonna SN-600 kysymly başlangyçýagyny BAE-den we Gazagystandan gelen telekeçiler tarapyndan satyn alyndy. Baglaşylan geleşikleriň umumy mukdary 1,6 million amerikan dollaryndan geçdi.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy baradabildirişleri hem çap edip bolýar.
ORIENT news
Surat: redaksiýanyň arhiwinden
