Türkmenistan Belorussiýada geçiriljek okuw sapagynda medeni mirasy gorap saklamak boýunça gazanan tejribelerini hödürlär
Türkmenistanyň wekilleri 15-17-nji noýabrda Belarus Respublikasynda geçiriljek «GDA ýurtlarynyň maddy däl medeni mirasyny gorap saklamak» atly halkara ylmy we amaly okuw sapagyna gatnaşarlar. Bu barada Arkalaşyga agza döwletleriň ynsanperwer hyzmatdaşlygy üçin Döwletara gaznasynyň resmi web saýty habar berýär.
Maslahatda Türkmenistan beýleki gatnaşyjy ýurtlar bilen bir hatarda medeni mirasy gorap saklamak boýunça döwlet syýasatynyň esasy ugurlaryny we maddy däl gymmatlyklary kesgitlemekde we hasaba almakda täsin tejribe hödürlär, şeýle hem maddy däl medeni mirasy goramak baradaky Konwensiýanyň durmuşa geçirilişine serediler.
Halk sungaty we medeni miras ýylyna bagyşlanan Hereket ediş meýilnamasynyň çäklerinde geçiriljek bu duşuşyk Belorussiýanyň Medeniýet ministrligi we «Belorussiýanyň Döwlet medeniýet we sungat uniwersiteti» tarapyndan guralýar. Maslahatyň maksady – medeniýetleriň arasyndaky gepleşikleri çuňlaşdyrmakdan we Arkalaşygyň ýurtlarynyň arasyndaky ynsanperwerlik gatnaşyklaryny güýçlendirmekden ybaratdyr.
ORIENT news
Surat: cis.minsk.by
