Türkmenistan we Pakistan bilelikdäki logistika meselelerini çözmek üçin kompaniýa döretmegi meýilleşdirýärler
Yslamabat şäherindäki Söwda-senagat edarasynyň prezidenti Aşan Zafar Bagtawari Türkmenistanyň Pakistandaky ilçisi Atajan Möwlamow bilen umumylogistika meselelerini çözmek maksady bilen, ulag kompaniýasyny döretmegiň zerurdygyny belledi.
Bu barada The Express Tribune agentligi diplomatik wekilhananyň baştutany bilen Yslamabatdaky Söwda-senagat edarasynyň wekilleriniň arasyndaky duşuşykdan soň habar berdi.
Türkmenistanyň ilçisi bu ýurduň ilatynyň elektrik toguna barha artýan isleglerini kanagatlandyrmaga ýardam berjekdigini bildirdi, şeýle hem transmilli TAPI taslamasynyň mümkinçilikleri barada durup geçdi we Türkmenistanyň elektrik energiýasynyň elýeterli bahalary Pakistanda durnukly ykdysady ösüşi üpjün etjekdigini aýratyn belledi.
Pakistanyň Söwda-senagat edarasynyň prezidenti öz gezeginde «Pakistan bilen Türkmenistan özara işewürlik saparlaryny artdyrmaga we ikitaraplaýyn söwda hyzmatdaşlygyny ösdürmekde ýurtlarymyzyň sergilerini guramaga ýardam bermelidir» – diýip,belledi.
Taraplar süýümli optiki geçirijileri gurnamak meselesine-de ünsi çekip, ykdysady gatnaşyklary güýçlendirmegiň zerurdygyny, şeýle hem Karaçi we Gwadar portlarynyň Türkmenistanyň üstaşyr söwdasy üçin ähmiýetiniň uludygyny bellediler.
ORIENT news
Surat: google
