Türkmen wekiliýeti GDA-nyň ykdysady maksatnamalarynyň durmuşa geçirilişini ara alyp maslahatlaşdy
Türkmenistanyň wekilleri Guramanyň Ýerine ýetiriji komitetiniň şahamçasynda geçirilen Arkalaşygyň ýurtlarynyň ykdysady ýagdaýyna gözegçilik etmek üçin Iş toparynyň mejlisinde GDA ýurtlary bilen ykdysady hyzmatdaşlygyň meselelerini ara alyp maslahatlaşdylar. Bu barada Arkalaşygyň resmi web saýty habar berýär.
Taraplar GDA-nyň Ykdysady Geňeşiniň teswirnamasynyň çäklerinde ýüze çykýan kynçylyklary çözmekde alnyp barylýan çäreleriň sanawynyň ýerine ýetirilişine ünsi çekdiler.
Arkalaşygyň ýurtlarynyň wekiliýetleri sanawdaky birnäçe maddada gazanylan möhüm netijeleri bellediler we zerur çäreleri görmek bilen, olary dolytamamlamagyň maksadalaýyk boljakdygyny bildirdiler.
Bu maksatnamany mundan beýläk durmuşa geçirmekdäki indiki ädimlere 16-njy noýabrda GDA Ykdysady Geňeşiniň ýanyndaky Ykdysady meseleler boýunça komissiýanyň mejlisinde serediler.
ORIENT news
Surat: kapital.kz
