Türkmenistanyň Milli Geňeşiniň mejlisi täze kanun taslamalaryny tassyklady
Çarşenbe güni Türkmenistanyň Milli Geňeşiniň nobatdaky mejlisi geçirilip, onda täze kanun taslamalary ara alnyp maslahatlaşyldy we tassyklandy.
Şol sanda, “Notariuslar we notarius işleri hakynda”, “Sirk we sirk sungaty hakynda”, “Ýerli öz-özüňi dolandyryş hakynda”, “Elektron resminamalara degişli halkara haryt daşamak şertnamasy baradaky konwensiýanyň goşmaça teswirnamasyna goşulmak hakynda”, “Ýewropa sebitinde ýokary bilim bilen baglanyşykly kärleri ykrar etmek baradaky konwensiýa goşulmak hakynda” Türkmenistanyň kanunlary tassyklandy.
Käbir kanunçylyk aktlaryna girizilen üýtgetmeler tassyklandy. Olar, hususan-da, harby borçlulyk we harby gulluk, salgyt kodeksi we ş.m. kanunlardyr.
Mundan başga-da, çekişmeden soň deputatlar "Türkmenistanyň dolandyryş-çäk bölünişiniň meseleleri hakynda" Türkmenistanyň Milli Geňeşiniň Mejlisiniň kararyny kabul etdiler.
ORIENT news
