Türkmenistanyň welaýatlarynda iňlis dilinden sapak berýän mugallymlara ýardam bermek üçin ätiýaçlyk merkezleri döredilýär
Türkmenistanyň Lebap welaýatynyň baş bilim bölümi Türkmenabatdaky orta mekdepleriň esasynda iňlis dili mugallymlary üçin dört sany ätiýaçlyk merkezini döretdi. Bu barada «Neýtralnyý Turkmenistan» gazeti ýazýar.
Yzygiderli, netijeli we biri-biri bilen baglanyşykly bolan okuw ulgamyny döretmegi göz öňünde tutýan 2018-2024-nji ýyllar üçin Türkmenistanda daşary ýurt dilini okatmagy gowulandyrmak konsepsiýasyny durmuşa geçirmegiň täze tapgyrynda mugallymlary işe taýýarlamak üçin ätiýaçlyk merkezleri döredildi.
Has tejribeli kärdeşleriniň alyp barýan okuw sapaklary mugallymlara okuw usullaryny döwrebaplaşdyrmaga, medeni we aragatnaşyk başarnyklaryny ösdürmäge ýardam berer.
Ätiýaçlyk merkezlerinde toplanan edebiýatlar, ses we wideo çeşmeleri mugallymlara iň gowy mugallymçylyk tejribesine esaslanyp, bilim bermegiň hilini ýokarlandyrmakda ähli soraglaryna jogap almaga mümkinçilik berýär.
ORIENT news
Surat: novyefoto.ru
