Gurbanguly Berdimuhamedow Türki döwletleriň guramasynyň sammitine gatnaşar
Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow Türki döwletleriň guramasynyň ýurtlarynyň döwlet baştutanlarynyň sammitine gatnaşar, bu barada TDG-nyň Sekretariatynyň resmi metbugat habarynda habar berilýär.
Bu guramada synçy döwletler hökmünde çykyş edýän Türkmenistan we Wengriýa TDG-nyň agza ýurtlary bilen dürli ugurdaky köptaraplaýyn hyzmatdaşlygyň derwaýys meselelerini ara alyp maslahatlaşarlar, şeýle hem dünýade bolup geçýän syýasy we ykdysady wakalar barada pikir alşarlar.
Sammit tamamlanandan soňra guramada başlyklyk etme Türkiýe Respublikasyna geçer.
Mundan ozal sentýabr aýynda Türkiýe Respublikasynyň daşary işler ministri Mewlüt Çawuşogly Türki döwletleriň guramasynyň Samarkantda geçiriljek sammitinde Türkmenistanyň bu gurama doly hukukly agza hökmünde kabul ediljekdigini aýdypdy.
ORIENT news
Surat: kun.uz
