Türkmenistan GDA ýurtlary üçin umumy zähmet bazaryny döretmek meselesini ara alyp maslahatlaşdy
Türkmenistanyň wekilleri umumy zähmet bazaryny döretmek boýunça Toplumlaýyn maksatnamany işläp taýýarlamak, zähmet ykjamlylygyny guramak we GDA ýurtlarynda durmuş taýdan goramak pudagyndaky hyzmatdaşlygy ösdürmek meselelerini ara alyp maslahatlaşdylar.
Bu barada GDA-nyň zähmet, ilatynyň iş bilen üpçunçiligi we jemgyýetiň durmuş taýdan goraglylygy baradaky Konsultatiw geňeşiniň Ýerewanda geçirilen XXXV mejlisiniň netijeleri boýunça Arkalaşygyň resmi web saýtynda habar berilýär.
Geňeşiň agzalary ýaşlara işjeň çärelere çekmek, zähmet gatnaşyklaryndaky hyzmatdaşlygyň hukuk-kadalaşdyryjy esaslaryny döwrebaplaşdyrmak, şeýle-de degişli infrastrukturalaryň ösdürilmegi üçin bar bolan mümkinçilikleri ara alyp maslahatlaşdylar. Arkalaşygyň ýurtlarynyň wekilleri öz ýurtlaryndaky durmuş-zähmet ýagdaýy we bu ugurda görülýan çäreler barada maglumat berdiler.
GDA ýurtlarynyň wekiliýetlerinden başga bu gezekki mejlise Mongoliýanyň wekilleri, Kärdeşler arkalaşyklarynyň baş konfederasiýasynyň agzalary, Döwletara statistika komitetiniň we başga düzümleriň wekilleri hem gatnaşdy.
ORIENT news
Surat: e-cis.info
