Türkmen tebigy gazyny eksport etmegiň meýilnamasynyň ýerine ýetirilişi ýigrimi bäş göterimden gowrak boldy
2022-nji ýylyň ýanwar oktýabr aýlarynda Türkmenistanyň ýangyç-energetika toplumynyň kärhanalary tarapyndan tebigy we ugurdaş gazy çykarmak boýunça meýilnamalaşdyrylan wezipeler 14,5% köp, gazyň eksporty boýunça bellenen meýilnamadan 25,6% ýokary derejede berjaý edildi.
Türkmenistanyň ýangyç-energetika toplumynyň düzümleýin bölümleriniň gazanan görkezijileri barada nebitgaz ulgamyna gözegçilik edýän wise-premýer Şahym Abdrahmanow anna güni hökümetiň mejlisiniň barşynda hasabat berdi.
Polipropilen boýunça meýilnamany 120,3% we benziniň öndürilişini 116,7% ýerine ýetiren öndürijiler hem öňdebaryjylaryň hatarynda boldylar. Dizel ýangyjynyň öndürilişi we nebitiň gaýtadan işlenilişi meýilnamada bellenilendäkiden degişliikde 112,2% hem-de 110,5%-e deň boldy.
Şeýle hem, şu ýylyň on aýynda meýilnamada bellenen wezipeleriň ýerine ýetirilmegini suwuklandyrylan gaz (107,8%) we çalgy ýaglaryny (102,9%) öndürijiler artygy bilen berjaý etdiler.
“Türkmennebit” döwlet konserni meýilnamany laýyk 100% ýerine ýetirdi.
Prezident Serdar Berdimuhamedow ýangyç-energetika toplumynyň ýolbaşçylarynyň ünsüni nebitgaz ulgamyna maýa goýumlary çekmelidigine Türkmenistan-Owganystan-Pakistan-Hindistan gaz geçirijisiniň gurluşyk taslamasyny öňe ilerletmelidigine çekdi.
ORIENT news
