«Turkish airlines» awiakompaniýasy howa gatnawlarynyň sanyny köpelder
«Turkish airlines» awiakompaniýasy 2022-nji ýylyň 2-nji dekabryndan başlap howa gatnawlarynyň ýygylygyny köpelder. Stambul-Türkmenbaşy-Stambul ugry boýunça uçuşlary hepdede üç gezek – duşenbe, çarşenbe we anna günleri ýerine ýetiriler. Bu barada «Atawatan Türkmenistan» neşiri awiakompaniýa salgylanyp, habar berýär.
Bu kompaniýanyň uçary Stambuldan sagat 11:00-da uçup, 15:55-de Türkmenbaşy şäherine gonar. Türkmenbaşydan uçuş 17:25-de amala aşyrylyp, onuň 18:50-de Stambulyň halkara howa menziline gelip gonmagy meýilleşdirilýär. Ähli şäherler üçin uçuş we gonuş wagtlary ýerli wagtda görkezilýär.
Mundan başga-da, «Türkmenistan» awiakompaniýasy Türkiýe Respublikasyna hepdede 4 gatnawy amala aşyrmagy dowam edýär – awiakompaniýanyň uçarlary ol ugur boýunça duşenbe, çarşenbe, anna we ýekşenbe günleri uçýar. Şeýlelikde, Türkmenistan bilen Türkiýe Respublikasynyň arasynda hepdede 7 sany howa gatnawy amala aşyrylar.
ORIENT news
Surat: twitter.com
