Türkmenistan serhet gözegçilik nokatlarynyň käbirinden ulag serişdeleriniň geçmegine rugsat berdi

Noýabr 04, 2022 | 23:35 |6278

«Türkmenawtoulaglary» agentliginiň web sahypasynda berilýan habara laýyklykda, beýan edilen talaplara laýyk gelýän daşary ýurt we öz ýurdumyzyň ulaglary şu ýylyň 7-nji noýabryndan başlap, Türkmenistanyň serhet barlag-goýberiş nokatlarynyň käbirinden peýdalanyp, ýurduň çägine girip we onuň çäginden çykyp hem-de üstaşyr geçip bilerler.

Aşakdaky barlag-goýberiş nokatlaryndan: «Artyk», «Sarahs», «Garabogaz», «Altyn asyr», «Daşoguz», «Köneürgenç», «Farap», «Ymamnazar» we «Serhetabat», şeýle hem Türkmenbaşy Halkara deňiz portundan geçmäge rugsat berilýär.

Ozal COVID-19 keseliniň ýaýramagynyň öňüni almaga gönükdirilen çäreleriň girizilmegi sebäpli, serhet barlag-goýberiş nokatlaryndan geçmek çäklendirilipdi.

ORIENT news
Surat: sovsojuz.mirtesen.ru