TDHÇMB-daky söwdalaşyklar: içerki bazarda polipropilen we pagta uly islege eýe boldy
ORIENT-iň habarçysynyň berýän habaryna görä, 31-nji oktýabrda Türkmenistanyň Döwlet haryt we çig mal biržasynda ýerli telekeçiler polipropilen we gysga süýümli pagtany satyn aldylar.
«Turkmennebit» döwlet konserniniň kärhanasynda öndürilen TPPZ 30 G kysymly polipropilen 100 tonna möçberde ýerlenildi. Geleşigiň umumy jemi 2,6 million manada barabar boldy.
Şeýle hem ýerli telekeçi Oba hojalyk we daşky gurşawy goramak ministrliginden umumy bahasy 7,4 million manat bolan gysga süýümli pagtanyň 430 tonnasyny satyn aldy.
Söwdalaşyklara çykarylýan harytlar baradaky maglumatlar bilen şu salgy boýunça Türkmenistanyň Döwlet haryt-çig mal biržasynyň saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalaşyklar duşenbe-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe - anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, tmex.gov.tm saýtyndaky funksional platformanyň üsti bilen öndürijiler bilen gönümel habarlaşyp, birža harytlarynyň söwdasy boýunça teklipler bilen tanşyp bolar. Şeýle-de birža harytlaryny ýerlemek baradaky bildirişleri çap etmek mümkinçiligi hem elýeterlidir.
ORIENT news
Surat: redaksiýanyň arhiwinden
