Türkmen Parlamentiniň ýokary palatasynyň Baştutany RF-niň Federasiýa Geňeşiniň umumy mejlisinde çykyş eder
Sişenbe güni, 1-nji noýabrda Federasiýa Geňeşi hem-de Türkmenistanyň Parlamentiniň ýokary palatasy parlamentara toparyny döretmek hakynda ylalaşyga gol çekdiler. Walentina Matwiýenkonyň sözlerine görä, munuň özi döwletleriň arayndaky hyzmatdaşlygy, şol sanda sebitleýin derejede pugtalandyrmaga mümkinçilik berer.
Halk Maslahatynyň Başlygy Gurbanguly Berdimuhamedow ikitaraplaýyn duşuşygyň barşynda Türkmenistanyň we Russiýanyň Parlamentara hyzmatdaşlygynyň görnüşiniň köpsanly dürli wezipeleriň çözülmegini göz öňünde tutýandygyny, häzirki wagt parlament diplomatiýasynyň baş wezipesiniň bolsa parahatçylygyň, hyzmatdaşlygyň we özara düşünişmegiň guraly bolup hyzmat etmeginden ybaratdygyny belledi.
Gurbanguly Berdimuhamedowyň pikirine görä, ekstremizmiň we terrorizmiň islendik görnüşde ýüze çykmagyna garşy berk kanunçylyk binýadyny goýmak wajypdyr. Çarşenbe güni ol Federasiýa Geňeşiniň umumy mejlisinde çykyş eder diýip, “Wmeste-RF” teleýaýlymy habar berýär.
Halk Maslahatynyň Başlygy we Federasiýa Geňeşiniň başlygy ýadygärlik sowgatlary hem alyşdylar. Walentina Matwiýenko milli zergärçilik bezeg serişdesi bolan ajaýyp tumar berildi, Gurbanguly Berdimuhamedowa bolsa rus tebigaty şekillendirilen surat eseri sowgat berildi.
ORIENT news
