Türkmenistanda alabaý itlariniň tapawutlanan seçgiçilerine hormatly at dakyldy
Türkmenistanyň Prezidenti Serdar Berdimuhamedowyň Permany bilen «Türkmen alabaý tleri» halkara assosiýasiýasynyň ikinji mejlisiniň çäklerinde tapawutlanan seçgiçilere «Türkmenistanyň at gazanan itşynasy» diýen hormatly at dakyldy. Bu barada TDH gullugy habar berýär.
Ýurdumyzyň raýatlaryna hormatly atlar «türkmen halkynyň baý medeni mirasynyň aýrylmaz bölegi bolup durýan alabaý itini häzirki zaman dünýä ylmynyň gazananlaryny ulanmak arkaly ulgamlaýyn esasda saklamakda» dakyldy – diýlip, döwlet baştutanynyň Permanynda bellenilýär.
«Türkmenistanyň at gazanan itşynasy» diýen hormatly atlar Türkmenistanyň Içeri işler ministrliginiň işgäri Begenç Bakeýewe hem-de Halkara «Türkmen alabaý itleri» assosiasiýasynyň Toplumynyň başlygy, hususy itşynas Orazmyrat Orazmyradowa dakyldy.
Şeýle hem mejlisiň çäginde «Türkmen alabaý tleri» halkara assosiýasiýasynyň hataryna täze agzalar, şol sanda Russiýa Federasiýasynyň Tatarystan Respublikasyndan, Beýik Britaniýadan we Çehiýadan agzalar kabul edildi.
ORIENT news
Surat: redaksiýanyň arhiwinden
