Türki döwletler Hazarda bilelikdäki ýük paromlaryny işe girizmäge taýýardyklaryny mälim etdiler
Türki döwletleriň guramasynyň ulag boýunça ministrleri (OTG) Hazar deňzinde ýük paromlaryny bilelikde ýola goýmaga taýýardyklaryny mälim etdiler. Bu barada Guramanyň resmi saýtynda habar berilýär.
Türkmenistanyň Özbegistandaky ilçisi Ýazguly Mämmedowyň gatnaşmagynda Daşkentde geçirilen duşuşykda Orta geçelgäniň üsti bilen ulag we üstaşyr geçmekligi ýeňilleşdirmek, milli ýük gatnadyjylary höweslendirmek we wiza hem-de administratiw amallary ýönekeýleşdirmeklige gyzyklanma bildirildi.
TDG-na agza ýurtlaryň wekilleri şu ýylyň noýabr aýynda guramanyň sammitinde gol çekilmegine garaşylýan ulag baradaky şertnamalaryň tekstlerini tassykladylar.
Ozal habar berlişi ýaly, Türki döwletleriň guramasynyň Samarkantda geçirilen sammitinde Türkmenistanyň bu gurama doly agza bolmagyna garaşylýar. Ozal Türkmenistan bu guramaa synçy hökmünde gatnaşýardy.
ORIENT news
Surat: tlc.asu.edu.ru
