Türkmenistanyň Prezidenti Gruziýanyň täze bellenen ilçisini kabul etdi

Oktýabr 27, 2022 | 19:37 |4471

Çeşme:

Prezident Serdar Berdimuhamedow Gruziýanyň Türkmenistandaky täze bellenen ilçisi Konstantin Sabiaşwili bilen duşuşyk geçirdi. Onuň barşynda taraplar söwda, ykdysady, ulag we energetika pudaklaryndaky hyzmatdaşlygy ara alyp maslahatlaşdylar. Bu barada TDH gullugy habar berýär.

Duşuşykda bellenip geçilişi ýaly, iki ýurduň geografiki taýdan amatly ýerleşmegi, Hazar we Gara deňiz sebitleriniň üsti bilen multimodal ulag we üstaşyr geçelgelerini döretmek üçin amatly şertleri döredýär.

Gruziýanyň ilçisi Prezidente ynanç hatyny gowşurmak bilen, bilelikdäki Hökümetara toparynyň möhüm ornuny belläp, Döwlet Baştutanyny däp bolup gelýän dostlukly gatnaşyklaryň ösmegine goldaw berjekdigine ynandyrdy.

ORIENT news
Surat: report.ge